東張西望丨港男為與直播主食飯重金打賞 投訴貨不對辦：當我哋係水魚

隨住直播平台興起，吸引不少網絡主播（又名直播主）的出現，直播內容有傾偈、唱歌、美妝、電競等等，直播主透過Fans的打賞而獲利，有人更試過日賺9萬元。前日（12日），《東張西望》報道一宗港男向女直播主課金10萬元，最後懷疑被騙，大嘆自己是「水魚」。

同場加映：王子邱勝翊期待棒棒堂合體紅館再聚 回復單身暫未敢嘗試網上情緣

{{hket:ul-video id="5942"}}{{/hket:ul-video}}

{{hket:inline-image name="12.JPG"}}{{/hket:inline-image}}

{{hket:inline-image name="10.JPG"}}{{/hket:inline-image}}

一名直播平台資深玩家胡生（化名）向《東張西望》透露，由2018年開始至2021年3月底，情傾一位姓李的女直播主，為了「女神」，他甘願花錢在對方身上，胡生估計自己在她身上至少花了10萬元。這位「女神」在去年3月宣布退出直播平台，而臨別前會跟打賞最多（送虛擬禮物）的頭3位共聚午餐，胡生說：「我當然係冠軍啦，送咗大約3至4萬左右。」

東張西望丨杜港誤導圈中好友買保險多人中招 被「釘牌」唔出聲 阮德鏘終獲賠償【下一頁】

成功做了冠軍，可以跟「女神」午餐，但飯局卻延至去年12月，胡生更投訴飯局貨不對辦，續說：「（午餐）係一點半至兩點半期間，其實嗰日大家去到，係冇食過，佢又化妝又簽名又自拍，好多嘢做咁，我哋就喺度睇佢囉，坐喺度，等囉，咁就已經兩點半鐘，我真係心有不甘。後來先發覺，佢好似當我哋係水魚咁，你寫明係頭3名，只有我哋先有資格，4至10名只係小禮物，而家唔使睇排名，唔使送禮物，攞4、500蚊出嚟就得喇，我使乜做頭3名啫！」《東張》主持黃耀英指胡生花了3至4萬元做了第一名，問他想會有甚麼事發生？胡生說：「老實講，希望3個人同佢食飯，傾多啲偈，喺現實裡面，我只係見佢3次左右，好短暫，都唔會見得耐，真係好殘酷，贏家好似輸家咁，待遇仲慘過你畀4、500蚊出嚟嗰啲人。」

東張西望丨深水埗西醫疑亂開「免針紙」 冇病歷豁免180日盛惠$7800【下一頁】

《東張》就此事，聯絡了女直播主李小姐，她在電話中表示：「一點半左右，我5分鐘、10分鐘可能整緊個妝，其實我都係喺隔籬，都有講嘢，所以我唔係好明佢嘅意思，係咪要一個鐘頭，要不停講嘢定係點？」李小姐最嬲的，是胡生竟然有她的電話號碼，所以自己不停收到他的訊息，「佢不停話買咩好貴嘅直播禮物， 話想同我單獨食飯，有時無啦啦又Send粗口訊息嚟鬧我，又無啦啦嗌我『老婆』，揼骨幾多錢呀，好奇怪，經常性問我使唔使幫拖，然後有個錢嘅emoji。」

莊鍶敏涉搶單騙案反呃騙徒錢 「戶口變咗負1800幾蚊」【下一頁】

{{hket:inline-image name="26.JPG"}}{{/hket:inline-image}}

縱使互相不妥，但兩人在網上仍有聯絡，胡生在3月得知李小姐的嫲嫲要住院，入住私家醫院需花費數萬元，於是給她一萬元應急，李小姐認為這是胡生的心意和祝福，所以就收下了。胡生表示後來發現李小姐的嫲嫲只是入住廣華醫院，不用數萬元這麼貴，李小姐解釋嫲嫲確診了新冠肺炎，不能轉去私家醫院，李小姐又指：「如果佢（胡生）後悔搞到咁樣，不如我畀番佢啦！」兩人強調不會再聯絡。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】